ප්‍රාදේශීය ලේකම් කාර්යාලය - සීතාවක

පාසල් ආශ්‍රිත මත්ද්‍රව්‍ය ව්‍යාප්තිය සහ පාසල් දරුවන් මත්ද්‍රව්‍ය ආශ්‍රිත ගැටලුවලින් මුදවා ගැනීමට පොලිස් නිලධාරීන්ගේ සහය  ලබා ගැනීමේ අරමුණින් 2025.08.21 දින නම් කරන ලද පොලිස් නිලධාරීන් සඳහා මූලික පුහුණු වැඩසටහනක් ප්‍රාදේශීය ලේකම් කාර්යාලීය ශ්‍රවණාගාරයේ දී පවත්වන ලදී.

පුහුණු වැඩසටහන ආරම්භයේ දී සීතාවක සම්බන්ධීකරණ කමිටු සභාපති පාර්ලිමේන්තු මන්ත්‍රී චන්දන සූරියආරච්චි මහතා සම්බන්ධ වූ අතර, ප්‍රාදේශීය මත්ද්‍රව්‍ය නිවාරණ සහ ප්‍රතිකාර ක්‍රියාවලිය වඩා විධිමත්ව ක්‍රියාත්මක විමට රාජ්‍යමය වශයෙන් අවශ්‍ය සියලු සහය ලබා දෙන බව ද  ප්‍රකාශ කරන ලදී.  කොස්ගම, අවිස්සාවේල්ල, හංවැල්ල පොලිස් ස්ථාන  නිලධාරීන් මෙම සදහා සම්බන්ධ විය.

අන්තරායකර ඖෂධ පාලක ජාතික මණ්ඩලයේ රසායනාගාර අංශයේ සහකාර අධ්‍යක්ෂ කෝකිලා මහත්මිය , බාහිර සේවා අංශයේ බාහිර සේවා නිලධාරී උදේශිකා ලක්මාලි මහත්මිය සම්පත් දායකත්වය ලබා දෙන ලදී.

තවද පුනරුත්ථාපන කාර්යාංශයේ ප්‍රාදේශීය භාර නිලධාරී කර්නල් මනෝජ් මහතාද පුනරුත්ථාපන ක්‍රියාවලිය පිළිබඳව දැනුවත් කිරීම සදහා සම්බන්ධ විය.

අන්තරායකර ඖෂධ පාලක ජාතික මණ්ඩලයේ සීතාවක ප්‍රාදේශීය නිලධාරී දේවිකා  මදුරප්පෙරුම මිය විසින් වැඩසටහන සම්බන්ධීකරණය සිදු කරන ලදී.